Koox hubeysan Oo askar ku dishay duleedka Muqdisho

[Deeq A.]

Muqdisho ( Sh. M. Network )-Kooxo hubeysan oo watay Gaari yar ayaa lagu soo warramayaa in barqanimadii maanta illaa 3 ruux ay ku dileen deegaanka Weydow ee duleedka magaalada Muqdisho.

Saddexda ruux ee la dilay ayaa laba ka mid ah waxa ay ahaayeen Askar ka tirsanaa Ciidanka Milatariga Soomaaliya, halka ruuxa sadaxaad-na aan la’ogeyn waxa uu ahaa,  sida ay Shabelle u xaqiijiyeen masuuliyiin ka tirsan maamulka deegaanka Garasbaaley ee duleedka Muqdisho

Sidoo kale wararka ayaa intaasi kiu daraya in kooxihii ka dambeeyay dilkaasi ay goobta isaga baxsadeen dilka kadib.

Dhinca ka kale warar dheeraad ah ayaa ka soo baxaya dad kale oo isugu jiray Askar iyo shacab oo soo Aasayay Meydka ruux shalay ku geeriyooday qaraxyadii ka dhacay magaalada Muqdisho oo lagu rasaaseeyay waddada xiriirisa magaalooyinka Muqdisho iyo Afgooye ee gobolka Shabeelaha Hoose

Gawaari ay la socdeen dadkani oo marayay aggaarka deegaanka Xaawa Cabdi ayaa la sheegay in Jidka loo galay, kadibna rasaas lagu furay.

Lama oga  illaa iyo hadda tirada saxda ah ee ku dhintay, kuna dhaawacamay dhadcdadaasi.

Muddooyinkii dambe ayaa waxaa Waddada xiriirsa Muqdisho iyo Afgooye ka dhacayay falal ammaan dari oo isugu jira weeraro dhaba gal ah iyo dilal qorsheysan intaba.

The post Koox hubeysan Oo askar ku dishay duleedka Muqdisho appeared first on Shabelle.

View the full article