Madaxweynaha Puntland oo taliye cusub u magacaabay Booliiska Nugaal

[Deeq A.]

Xassan Cabdullaahi Maxamed

Madaxweynaha dowladda Puntland Dr. Cabdiweli Maxamed Cali (Gaas) ayaa taliye cusub u magacaabay qeybta Booliiska gobolka Nugaal.

Xeer madaxweyne oo soo baxay Isniinta maanta ah,kuna astaysan 29 October 2018 ayaa taliyaha Booliiska Nugaal loogu magacaabay, G/sare Xassan Cabdullaahi Maxamed oo horey u ahaa taliye ku xigeenka madaxtooyada Puntland ee Garowe.

Madaxweynaha Puntland ayaa digreetooyin is-xigay oo uu soo saaray is-beddel ku sameeyay xaraakiisha ciidamada Puntland,waxaana taliyaal cusub loo magacaabay Booliiska iyo Daraawiishta.

Sidoo kale waxaa shaqada laga rukhseeyay saraakiil ka kala tirsanaa ciidamada Booliiska iyo Daraawiishta oo lagu eedeeyay falal liddi’ ku ah jiritaanka Puntland iyo anshaxa ciidannimo.

PUNTLAND POST

Cabdiraxmaan Ciise Cumar

The post Madaxweynaha Puntland oo taliye cusub u magacaabay Booliiska Nugaal appeared first on Puntland Post.