Puntland oo ruqsaddii kala noqotay SBSTV

[Deeq A.]

Wasaaradda Warfaafinta dowladda Puntland ayaa gebi ahaanba ruqsaddii kala noqotay telefishin lagu magacaabo SBS TV,sida ku xusan digreeto ka soo baxday xafiiska Wasiirka.

Digreetada ayaa lagu sheegay in telefishinka magacaas leh uu khal-khal gelin joogta ah ku hayo amniga iyo siyaasadda dowladda Puntland,islamarkaana uu ka dhega-adaygay digniino dhowr ah oo wasaaraddu u jeedisay.

Wasaaradda ayaa ku wargelisay dhammaan xafiisyada ay khusayso in ruqsaddii laga qaaday telefishinkaasi laga bilaabo maalinta sabtida ah ee ku beegan 27 bishan October,sida digreetada ku cad.

PUNTLAND POST

The post Puntland oo ruqsaddii kala noqotay SBSTV appeared first on Puntland Post.