Duqa Muqdisho oo amar ku soo rogay Hoteelada iyo Maqaaxiyaha Muqdisho

[Deeq A.]

Gudoomiyaha Gobolka Banaadir ahna duqa Muqdisho Eng Cabdiraxmaan Cumar Cismaan Yariisoow ayaa goordhow oo caawa ah soo saaray awaamiir ku aadan ganacsatada leh Hoteelada iyo Maqaaxiyaha ku yaala Muqdisho.

Gudoomiye Yariisoow ayaa sheegay in laga Bilaabo 12-ka Saqda dhexe ee habeenimo aanay furnaan karin goobaha Hoteelada iyo maqaaxiyaha gaar ahaan kuwo ku dhow Xeebta Liido ee Muqdisho.

Gudoomiyaha ayaa sheegay in Maamulka Gobolka Banaadir marnaba uusan aqbali karin wax walba oo ka hor imaanaya Diinta Islaamka iyo Anshaxa Suuban ee Soomaaliyeed.

Ugu Dambeeyntii Gudoomiye Yariisoow ayaa ku hanjabay in tilaabo sharciga waafaqsan laga qaadi doono cidii lagu arkaa iyada oo goobahooda ay furanyihiin wixii ka dambeeya 12-ka saqda dhexe ee Habeenimo.

Goobaha maqaaxiyaha iyo Hoteelada ee ku dhow xeebta Liido ayaa shaqeeya hadda habeenkii oo dhan.

Xasan Maxamed Samatar Cowke

Puntland Post Muqdisho

The post Duqa Muqdisho oo amar ku soo rogay Hoteelada iyo Maqaaxiyaha Muqdisho appeared first on Puntland Post.