Dagaal Beeleed xoogan Oo ka dhacay gobolka Sool

[Deeq A.]

Laascaanood ( Sh. M. Network )-Wararka laga helayo G/ Sool ayaa sheegaya in maanta dagaaal u dhexeeyay maleeshiyo Beeleed uu ka dhacay deegaanka Dhumay ee gobolkaasi.

Qaar ka mid ah dadka deegaanka ayaa sheegay in dagaalkaasi uu ka dhashay khasaare isugu jiray dhimasho iyo dhaawac, balse aan la xaqiijin karin inta uu la’egyahay.

Sidoo kale Warar ay heshay Idaacadda Shabelle ayaa ku warranaya in Ciidamo ka tirsan kuwa Soomaaliland ay la safteen mid ka mid ah Beelahaasi.

Xaaladda ayaa hadda dagan, waxaana socda dadaallo nabadeed oo looga hortago dagaalkaasi.

Xiisada u dhexeysa labadan Beeleed ayaa muddo dheer soo jirtay, waxaana ay salka ku heysa arrimo la xariira dhul daaqsimeen iyo aanooyiin Qabiil.

The post Dagaal Beeleed xoogan Oo ka dhacay gobolka Sool appeared first on Shabelle.

View the full article