Al-shabaab oo xukun jeedal ah ridday

[Deeq A.]

Maxkamadda Al-shabaab ee degaanka Towfiiq ee gobolka Shabeellaha dhexe ayaa xukun jeedal ah ku ridday wiil yar oo kufsi lagu eedeeyay.

Mahdi Maxamed Calasow oo 17 sano jir ah ayaa Al-shabaab ku eedaysay in uu kufsaday Maryan Abukar Axmed oo 16 sano jir ah.

Al-shabaab ayaa gelinkii dambe ee shalay 100 jeedal ku dhuftay Mahdi,waxaana laga musaafuriyay degaanka Towfiiq ee uu ku noolaa.

Wiilka yar ayaa lagu jeedalay goob fagaare ah oo shacab badan soo buuxiyeen.

Inta badan xukunnada noocan oo kale ah ayaa Al-shabaab ka fulisaa degaannada ay maamusho ee bartamaha iyo koonfurta Soomaaliya.

PUNTLAND POST

The post Al-shabaab oo xukun jeedal ah ridday appeared first on Puntland Post.