Eng Yariisoow oo sheegay in gacanta lagu dhigay 3 kamid ah dadkii Gubay Axmed Dowlo

[Deeq A.]

Gudoomiyaha Gobolka Banaadir ahna duqa Muqdisho Eng Cabdiraxmaan Cumar Cismaan Yariisoow ayaa sheegay in gacanta lagu dhigay 3-ruux oo gubid iyo dil Muqdisho ugu geeystay Allaha u naxariistee Axmed Dowlo oo aano ka dhalatay heeybsooc guur loogu dilay Muqdisho.

Gudoomiyaha ayaa sheegay in 3-daasi ruux ay gacanta ku dhigeen ciidamada Booliska Soomaaliya gaar ahaan kuwa degmada Yaaqshid ee Muqdisho.

Waxa uu sheegay in sharciga lal tiigsan doono dadkaasi oo uu sheegay in si arxan daro ah ay u dileeyn Marxuum Axmed Doowlo.

Wali waxaa Muqdisho ku xiran hooyada gabadhii aroosada aheyd ee dhashay gabadha ay ka soo bilaabatay heeybsooca guurka taasi oo la sheegay in ay iyana kamid ah dadkii dilay Axmed Dowlo.

Dowlada Soomaaliya ayaa sheegay in dhowaan in sharciga la soo taagi doono dadkii falkaasi arxan darada ah ku gacay.

Xasan Maxamed Samatar Cowke 

Puntland Post Muqdisho

The post Eng Yariisoow oo sheegay in gacanta lagu dhigay 3 kamid ah dadkii Gubay Axmed Dowlo appeared first on Puntland Post.