Goddoomiyaha cusub ee gobolka Nugaal oo xilka la wareegay

[Deeq A.]

Guddoomiyaha cusub ee gobolka Nugaal,Cabdisalaan Xassan Xirsi(Gu’jir) ayaa maanta xilka kala wareegay guddoomiyihii hore gobolka,Cumar Cabdullaahi fara-weyne.

Munaasabad kooban oo  Garoowe lagu qabtay ayaa Cumar Fara-weyne xilka ku wareejiyay guddoomiyaha cusub,waxaana uu ka warbixiyay shaqadii uu gobolka ka qabtay mudadii uu xilka hayay.

“waxaan ku faraxsanahay intaan xilka hayey,magaaladan Garoowe,kooxaha burcad-diimeedka ah ee argagixisada ahi, hal qof kuma dilin,hal qaraxna kama dhicin” ayuu yiri Cumar Fara-weyne oo waxqabadkiisa ka warbixinayey.

Dhinaca kale  guddoomiyaha xilka la wareegay Cabdisalaan Gu’jir ayaa bulshada ka codsaday in ay kala shaqeeyaan hawsha loo igmaday,gaar ahaann arrimaha amniga ,si kor loogu qaado xasiloonida iyo nabadda ka jirta caasimadda Garowe iyo guud ahaan gobolka Nugaal.

PUNTLAND POST

The post Goddoomiyaha cusub ee gobolka Nugaal oo xilka la wareegay appeared first on Puntland Post.