Wax Ka Ogow Dakhliga Ay Dowladda Federaalka Ah Ka soo Xareyso Dekadda Xamar?

[Deeq A.]

Maxamed Sheekh oo dekadda Xamar u qaabilsan warbaahinta ayaa Goobjoog News u sheegay in dakhliga guud ee dekadda ka soo xarooda uu gaaryo $10 Mliyan.

Maxamed waxaa uu intaasi ku daray in markii hore inta aaney dekadda la wareegin Shirkadda dhismaha Turkiga ee Albayrak uu dakhliga guud ahaa $2.5 Milyan, iyada oo keentay qalab fiican, shaqada kor u qaaday.

Dakhliga $10 Milyan ee bishii ka xarooda dekadda,  shirkadda Albayrak waxaa ay adeeg ahaan sameysaa $2.5 Milyan halka canshuurka ay dowladda Soomaaliya ka hesho dekadda gaareyso $7.5 Milyan.

Shirkadda Albayrak oo maamuli-doonta dekadda Xamar 20 sano, waxaa ay $2.5 Milyan ee adeeg ahaa keento ku leedahay 45% halka ay dowladda Soomaaliya ay leedahay 55%.

September 21, 2014: Dowladda Federaalka ee Soomaaliya ayaa rasmi ah shaaca uga qaaday in maamulka Dekadda Muqdisho ay ku wareejisay shirkad Turkish ah oo la yiraahdo Albayrak.

Goobjoog News

Source: goobjoog.com