Taliyihii Booliiska Nugaal oo xilkii laga xayuubiyay

[Deeq A.]

Wareegto ka soo baxday xafiiska madaxweynaha dowladda Puntland oo ku astaysan 24 September 2018 ee ku beegan Isniinta maanta ayaa xilkii looga qaaday,taliyihii qeybta Booliiska gobolka Nugaal, Gaashaanle Sare.Faarax Cabdiraxmaan Warsame(Galangoolli),waxaana xilkaas si ku meel-gaar ah loogu magacaabay Sarreeye Guuto. Muxiyadiin Axmed Muuse.

Gen. Muxiyadiin ayaa sidoo kale wareegtada loogu magacaabay taliyaha xasilinta gobolka Nugaal. Muxiyadiin ayaa hore u ahaa taliyaha la-dagaallanka Argagixisada iyo Daroogada,sidaasi darteed wuxuu isku’hayn doonaa saddex jago oo kala ah;xilkiisi hore iyo laba maaanta loo magacaabay.

Labada xil ee maanta Muxiyadiin loo magacaabay ayaa kala ah,taliyaha xasilinta gobolka Nugaal iyo sii hayaha xilka taliska qeybta gobolka Nugaal,sida ku xusan wareegtadan,maadaama xilkii laga qaaday taliyihii qyebta Booliiska Nugaal,Gaashaanle sare Faarax Galangoolli.

Halkaan ka akhriso wareegtada xilka-qaadista

Madaxweynaha Dowladda Puntalnd Dr. Cabdiweli Maxamed Cali Gaas ayaa maanata oo taariikhdu atahay 24 Sep 2018 waxaa uu magacaabay Taliyaha Xasilinta Gobolka Nugaal.

Wareegto Madaxweyne Lr.12 Sep 22, 2018, kuna saabsan xasilinta Gobolka Nugaal.

Ku: Wasiirka Amniga Dowladda Puntland
Ku: Taliyaha Ciidanka Booliiska Puntlnd
Og: Duqa Degmadda Garoowe
Og: Madaxweyne ku xigeenka

Ujeedo: Magacaabid Taliayaha Xasilinta Gobolka Nugaal

Waxaa dhammaan masuuliyiinta ay warqadani tooska iyo ogaysiinta ugu socoto lagu wargalinayaa in madaxa ladagaalanka arga-gixisada iyo mukhaadaraadka Sareeye Guuto Muxuyadiin Axmed Muuse loo magacaabay Taliyaha xasilinta Gobolka Nugaal, waxaana sidoo kale laga qaaday xilkii taliyaha qaybta Booliiska Gobolka Nugaal G/sare Faarax Galangooli waxaana xilkaas si ku meel gaara ah usii haynaya Sareeye Guuto Muxuyadiin Axmaed Muuse,

Sidaa daraadeed waxaa dhammaan lafarayaa hay’adaha Dowladda in ay si buuxda ula shaqeeyaan ugana danbeeyaan dhammaan arrimaha amniga Gogobolka Nugaal Taliyaha xasilinta.

Sidoo kale waxaa taliyaha hawshaan loo igmaday la farayaa in uu gacan bira ku qabto amniga gobolka gaar ahaan caasimadda kna nadiifiyo kooxaha buracadaa ee dhibaatada ku haya bulshada deegaanka.

Fulin wacan

Dr. Cabdiweli Maxamed Cali Gaas
Madaxweynaha Dowladda Puntland

-DHAMMAAD-

PUNTLAN POST

The post Taliyihii Booliiska Nugaal oo xilkii laga xayuubiyay appeared first on Puntland Post.