Akhriso: Dal soo bandhigay Hal arrin oo looga adkaan karo Al-Shabaab

[Deeq A.]

Kenya (Caasimada Online)-Waxaa sii kordhaya weerarada ay Maleeshiyaadka Al-Shabaab ku qaadan Saldhigyada iyo Goobaha muhiimka ah oo ay ku sugan yihiin Ciidamada Somalia iyo kuwa AMISOM.

Weerarada ugu badan ayey maleeshiyada u adeegsataa ku dhuf oo ka dhaqaaq, halka qaarna ay ku qabsadaan Hub, Gaadiid iyo Maxaabiis.

Maleeshiyada ayaa weerarada si simin ugu qaado wadamada Somalia iyo Kenya oo daris ah, isla markaana si wada jira ula dagaalama Al-Shabaab.

Dowlada Kenya oo ka duuleysa weerarada sii xoogeysanaaya ee Al-Shabaab ayaa sheegtay in Maleeshiyada looga adkaan karo hal talaabo.

Kenya waxa ay sheegtay in talaabada keliya ee looga guuleysan karo Al-Shabaab ay tahay in deegaanada ay heystaan, gaar ahaan Keymaha ay ku dhuumaaleystan loo adeegsado Diyaaradaha suntan buufiya.

Taliyaha ciidamada Booliska dalka Kenya Joseph Boinnet oo magaalada Nairobi kulan guud kula qaatay Saraakiisha Booliska ayaa sheegay inay adag tahay in laga guuleysto Al-Shabaab.

Joseph Boinnet, waxa uu sheegay in arrinka ugu sahlan ay tahay in la rusheeyo goobaha ay keli ku yihiin Al-Shabaabka sidaana loogu fuliyo howlgalka.

Waxa uu Mr Joseph Boinnet tilmaamay in xalka ugu dhow uu yahay in Keymaha ay ku jiraan Al-Shabaabka lagu tijaabiyo Sunta loo isticmaalo diyaaradaha yaryar ee meelaha fog taga, wuxuuna carab ***** in sidaa ay tahay qaabka looga guuleysan karo Al-Shabaab.

Sidoo kale, waxa uu tilmaamay in rusheynta ay u sahleyso inay soo gurtaan Al-Shabaabka ka hor inta aysan ka bixin suntan, hase yeeshee Kenya ayaan laheyn diyaaradaha Sunta buufiya.

Si kastaba ha ahaatee, Dowlada Kenya ayaa walaac xoogan ka qabta in weerar uu uga imaado Al-Shabaab waxaana xusid mudan in asbuuc gudahiisa ay laba mar ka digeen weeraro.

Caasimada Online

Xafiiska Kenya

Caasimada@live.com