Sawiro: Xubin sare oo ka tirsan Xafiiska Kheyre oo gaarigiisa loogu xiray Qarax

[Deeq A.]

Muqdisho (Caasimadda Online) – Wararka naga soo gaaraya Magaalada Muqdisho, ayaa sheegaya in qaraxyo si xigxigay ay ka dhaceen Nawaaxiga saldhiga Waaberi.

Qaraxa koowaad oo ahaa gaari lagu xiray walxaha qarxa, ayaa ka dhacay Isgoyska dabka, waxaana qaraxa uu ka dhex dhacay gaari landgruser ah kaasoo uu saarnaa qof watay.

10 Daqiiqo wax ka yar markii qaraxa hore laga joogo, ayaa qarax kale oo Jugtiisa meelo badan oo Muqdisho ah laga maqlay, waxa uu ka dhacay dhabarka danbe ee Hoteelka Maka Al-Mukarama.

Warar dheeraad ah ayaa ka soo baxaya labadaan Qarax oo geystay khasaaro dhimasho iyo dhaawac ah.

Qaraxyada oo ahaa laba gaari ayaa waxaa la sheegay in mid ka mid ah oo ahaa saaruf uu lahaa Pro Yaxye Sheekh Caamir oo ka mid ah Macalimiinta Jaamacadda Somalia ahna falanqeeye.

Gaariga Pro Yaxye ayaa Shabakadda Caasimadda waxa loo xaqiijiyey inuu waday walaalkiis,isla markaana uu ku geeriyooday qaraxaas.

Ciidamo farabadan oo ka tirsan kuwa dowladda ayaa gaarey goobta uu qaraxa ka dhacay,iyo sidoo kale Gawaarida dab-damiska,kuwaas oo demiyey labada gaari oo aad u holcayey.