Golaha wasiirada Puntland oo ansixiyay xeerar cusub

[Deeq A.]

Shirkii Golaha wasiirada xukuumadda Puntland ee Khamiista maanta ah oo uu guddoomiyay madaxweyne Cabdiweli Maxamed Cali(Gaas) ayaa lagu ansixiyay laba xeer kala ah; xeerka macdanta & shidaalka iyo xeerka sugidda amniga garoomada,sida lagu sheegay war-saxaafadeed ka soo baxay madaxtooyada Puntland.

Xeerka macdanta iyo shidaalka oo ay soo diyaarisay hay’adda macdanta iyo shidaalka dowladda Puntland,ayaa qeexaya is-waafajinta maalgeshiga iyo shuruucda dalka,ilaalinta degaanka iyo ka faa’idaysiga khayraadka dihin ee ku duugan degaannada Puntland,sida ku cad war-saxaafadeedka.

Sidoo kale war-saxaafadeedka ayaa lagu sheegay in xeerka sugidda amniga garoomada oo ay soo diyaarisay wasaaradda Duulista hawada iyo Garoomada dowladda Puntland uu dhiirri-gelinayo hagaajinta adeegyada garoomada diyaaradaha Puntland.

Halkaan ka akhriso war-saxaafadeedka

PUNTLAND POST

Cabdiraxmaan Ciise Cumar

The post Golaha wasiirada Puntland oo ansixiyay xeerar cusub appeared first on Puntland Post.