Sawirro: Al-Shabaab oo durba heshay Dareeskii ugu danbeeyay ee loo qeybiyay ciidamada 14-October ee DFS

[Deeq A.]

Kismaayo (Caasimada Online)-Al-Shabaab ayaa maleeshiyaad hor leh kusoo bandhigtay Fagaare ku yaal Degmada Jilib kuwaa oo ku hubeysnaa hubka noocyadooda kala duwan.

Maleeshiyaadka lasoo bandhigay oo ku howlanaa ciida ayaa waxaa ka dhexmuuqday carruur yaryar oo la sheegay inay dhaleen Saraakiil iyo dadka deegaanka.

Maleeshiyaadka lasoo bandhigay ayaa waxaa ka dhexmuuqday dagaalyahaano wata tuutihii ugu dambeeyay ee dhawaan loo qeybiyay ciidamada 14-October.

Dareeska ay watan maleeshiyaadka ayaa waxaa qeybiyay taliska ciidamada Militeriga waxaana la siiyay ciidamada 14-October oo dhawaan lagu wareejiyay amniga magaalada Muqdisho.

Dareeska ciidamada 14-October ee hadda ay heystaan Al-Shabaab ayaa waxaa 14-Bishii July lagu weeraray barkoontarool oo ku yaala afafka hore ee beertanabada weerarkaa oo ay fuliyeen rag hubaysnaa kana tirsanaa Al-Shabaab.

Horjoogayaasha ku labisan dareeska ayaa waxaa kamid ah Wakiilka Al-Shabaab u qaabilsan Jubbooyinka Maxamed Abuu Cabdalla.

Sidoo kale, Shabaab waxa ay soo bandhigeen gaadiid leh astaamaha milateriga dawladda Soomaaliya kuwaa oo iyaguna laga furtay ciidamada Dowlada.

CIIDAMADA DOWLADA OO KU LABISAN DAREESKA CUSUB