Xog iyo xaqiiq: Waxbadan ka ogaaw sababta uu C/qaadir Gaafow isaga casilay kursigii xildhibaannimada

[Deeq A.]

Muqdisho (Caasimada Online)-Dad badan layaab ayey ku aheyd iney arkaan xildhibaan iska casilaaya baarlamaanka soomaaliya sanadkaan 2018, laakiin xildhibaan C/qaadir Gaafow ayaa iska casilay xilkiisii baarlamaanka sida ay sheegeen guddiga doorashooyinka Qaranka.

Kursiga Gaafow wuxuu ka mid ahaa kuraas muran badan dhalisay oo ay doorashadooda ka dhacday Cadaado, laakiin markaan waxaa in la dhigo Dhuusamareen oo si cadaaad ah loogu tartamo.

Sida ay xogta ku heshay MEP, wuxuu C/qaadir Gaafow isku casilay inuu booska u baneeyo walaalkiis C/llaahi Gaafow kaas oo markii kursigaan loo tartamayay ahaa taliyaha NISA, waxaa la aaminsan yahay inuu C/laahi Gaafow qaadan lahaa kursigaan hadii uusan markaas ahaan laheyn taliyaha NISA.

Wararka waxey intaas ku darayaan in C/qaadir Gaafow lagu qanciyo inuu kursiga u baneeyo walaalkiis ayna arrintaas ka shaqeeyeen odayaasha dhaqanka ee beesha ay kasoo jeedaan.

Dad ku dhaw dhaw ilmo Gaafow ayaa u sheegay  inuu C/llaahi Gaafow diyaar u yahay inuu kursigaas ku fariisto inkastoo ay dhici karto inuu shaqsiyaad aan hadda la aqoon tartan adag kala kulmo.

C/Qaadir Gaafow Maxamuud wuxuu noqday xildhibaankii ugu horreeyay ee si iskiis ah isaga casila baarlamaanka 10aad ee Soomaaliya.

Caasimada Online

Xafiiska Muqdisho

Caasimada@live.com