Dowlad Islaam ah oo Africa ku taal oo ku dhawaaqday in Ragga iyo dumarka ay u siman yihiin Dhaxalka

[Deeq A.]

Tunis (Caasimadda Online) – Madaxweynaha xukuumadda Tunisia ayaa ku dhawaaqay in dowladdiisu ay aqoonsatay sharci ku sheeg dhigaya in ragga iyo dumarka ay dhan walba ka simanyihiin.

Alqaa’id Beeji Sebsi oo ah madaxweynaha Tunisia ayaa kalimad uu ka jeediyay Telefeshinka Afka dowladda ku hadla wuxuu uga dhawaaqay in dowladdiisu ay ogolaatay in ragga iyo dumarka ay isku mid yihiin ayna dhanka dhaxalka ka simanyihiin.

“Ragga iyo dumarka waa simanyihiin wax faqri ahna uma dhaxeeyaan dhanka dhaxalka laakin waa in aan doodda sii wadnaa oo aan ka dhignaa sharci xukuumadeed” ayuu yiri Qaa’id Beeji Sebsi.

Wuxuu sheegay in waqti aan dheerayn xeerkan laga dhigi doono mid waafaqsan dastuurka wadanka uyaal, durbadiiba dibad baxyo ballaaran ayaa ka oogmay gobollada wadanka Tuunis oo muslimiintu ugasoo horjeedaan sharciigaan meelka ka dhaca ku ah shareecada islaamka.

Madaxweynaha Tuunis ayaa ku qowllay hadal diinka ka bax ah waxaa kale oo uu sheegay in diinta islaamka aysan dowladdiisa meelna kasoo gelin ayna qaateen hanaanka calmaaniyadda diin la’aanta “Qowlka oranaya Marjiciyadda dowladda Tuunis waa mid diimeed waa khalad faaxish ah, annagu waxaan nahay dowlad calmaani ah oo wax walba aqbalaysa” ayuu hadalkiisa sii raaciyay hoggaamiyaha Tuunis.

Dibad baxyo ay soo abaabuleen axzaabta Midigta calmaaniyaddu ku fogaatay ayaa ka dhacay dhowr magaalo waxaana dibad baxyadaas lagusoo dhoweynayay go’aankan sheydaaniga ah ee dowladda Tuunis kasoo baxay.