Donald Trump Sacuudiga ma ku sameyn doonaa wixii uu ku sameeyey IRAN?

[Deeq A.]

Madaxweynaha Mareykanka Donald Trump waxa uu ku amray saaxiibadda Mareykanka in aysan wax cilaaqaad ganacsi ah aysan la sameyn Iran isaga oo ku tilmaamay in uu sare ugu qaadayo NABADDA ADUUNKA, oo uu sheegay in Iran ay halis ku tahay. Sidaas oo kale ma ku sameyn doonaa Sacuudiga, si loo joojiyo musiibada bani’aadannimo ee ka socoto dalkja Yemen.

Hase ahaatee waxa ay u muuqataa siyaasadda maamulka Trump ee Bariga dhexe in ay ku kooban tahay oo kaliya kahor tagidda Iran.

Maamulka Trump waxa ay taas mar marsiinyo uga dhiganayeen tallaabooyinka ay Iran ku taageereyso kooxaha dagaalada ka wada Bariga sida Xuutiyiinta ka dagaalamaya Yaman.

Yeelkeede, meesha lagama saari karo in siyaasadda guracan oo ay Mareykanku ku taageerayaan isbahaysiga Sucuudiga iyo Imaaradka ee dagaalada ka wada Yemen in ay dhalisay masiibo bini’aadannimo.

Waxaan shaki ku jirin in Iran ay ka faa’iideysaneyso xaalada bili’aadannimo ee ay Yemen ka abuureen Sucuudiga iyo Imaaraadka si ay saameynteeda ugu xoojiso ugana qeyb qaadato dagaalka sii daba dheeraday ee Yemen.

Haddii Mareykanka ay dhab ka tahay in la soo afjaro dagaalka Yemen kana hortago in aysan Iran isku ballaarin gobolka waxaa waajib ku ah in uu joojiyo taageeridda dagaalka danaha gurracan laga leeyahay oo ay wadaan saaxiibadiisa.

Marka la doonayo in nabad waarta la helo waxaa lagama maarmaan ah in dhammaan faragalinta shisheeye la joojiyo haddii ay ahaan lahayd dagaalada tooska ah oo ay wadaan Sucuudiga iyo Imaaraadka ama dagaalka dadban ee Iran.

Yaa ku saameyn badan dagaalka Mareykanka, xulufadiisa uu sucuudiga hoggaamiyo iyo Iran?

Sucuudiga waxaa la qiyaasay in bishii uu dagaalka uga baxo $6 billion, lacag aad uga badan inta uga baxda Iran laakiin waxaa dagaalkaas ku awood iyo saameyn badan Tehran.

Waxyaabaha Iran u fududeeyey in ay awooddeeda ku ballaariso Yemen waxaa ugu weyn guulaha uu madaxweynaha Suuriya Bashaar Al Asad ka gaarayo kooxaha la dagaalama.

Masiibooyinka uu dagaalka Yemen dhaliyey waxaa ka mid ah duqeymihii lagu dilay ardaydii saarneyd Bus-ka iyo dumarka uurka leh oo xaaladooda aad u liidato.