Ayatollah oo fariin jees jees ah u diray D. TRUMP kadib hadal la buun-buuniyay.!!

[Deeq A.]

Muqdisho (Caasimada Online) – Iyadoo inta badan baraha bulshada aad looga hadal hayo Khilaafka diblumaasiyadeed ee ka dhexeeya Dowladaha Iran iyo Mareykanka ayaa waxaa arrintaasi markii ugu horeysay ka hadlay Hogaamiyaha ruuxiga ah ee Iran Ayatollah Ali Khamenei.

Khamenei, ayaa sheegay inay la socdaan hadal heynta baraha bulshada ee ku aadan wadahadal dhexmaraa Iran iyo Mareykanka oo uu khilaaf u dhexeeyo.

Khamenei ayaa meesha ka saaray wadahadal ay xukuumada Iran la gasho maamulka madaxweyne Donald Trump, waxa uuna tilmaamay inay aad u adkaan doonto xiriir diblumaasiyadeed oo Iran ay la gasho maamulka Trump.

Khamenei ayaa sheegay in aysan dhici doonin arimaha maalmihii la soo dhaafay lagu buun buuniyay baraha bulshada oo aheyd wadahadal dhexmara labada dowladood waxa uuna hadal heyntaasi ku sheegay mid mugdi un sii galineyso rajadii laga qabay isku soo dhawaanshaha.

Waxa uu sheegay hadii ay dhacdo xitaa wadahadal in ay la galaan mareykanka aysan noqon doonin waqtigan taasi oo uu ula jeeday in aysan diyaar u aheyn la macaamilka xukuumada hada Jirta.

Mr Khamenei, waxaa uu sheegay in Iran muhiimada ay saari doonto oo kaliya heshiiskii ay la gaartay dowladaha caalamka oo mareykanka uu qeyb ka yahay sanadii 2015-kii kaasi o quseeyay Arimaha Nuclear-ka Iran.

Sidoo kale, Khamenei waxa uu ku goodiyay in daandaansiga Trump uu sabab u noqon doono xasil darro ka dhacdo dalka Mareykanka.

Si kastaba ha ahaatee, hadalkan ayaa waxaa jawaab cad oo kama danbeys ah u yahay war horay uga so baxay madaxweyne Trump oo ahaa in uu diyaar u yahay wadahal uu la galo madaxda maamulka Iran.

Caasimada Online
Xafiiska Muqdisho
Caasimada@live.com