Dowlada ETHIOPIA oo amar hor leh kusoo rogtay dhulka Soomaalida (Muxuu yahay)

[Deeq A.]

Muqdisho (Caasimada Online)-Dowlada Ethiopia ayaa amar ku bixisay in hawada laga saaro Interneedka dhamaan laga isticmaalo deegaanada Soomaalida.

Dowlada ayaa sheegtay in muddo Seddex cisho ah aan deegaanada Soomaalida laga isticmaali karin wax interneed ah.

Dowladu waxa ay tilmaantay in jarista Interneedka ay ula gol leedahay xasilooni kusoo dabaalida deegaanada Soomaalida oo iminka ay gacanta ku hayaan ciidamada Militeriga.

Shirkadaha gaarka loo leeyahay ee shaqooyinkooda ay ku xiran tahay ayey dowlada Ethiopia ku wargalisay in laga doonaayo dulqaad maadaama Interneedka uu ka qeybqaadanaayo xasilooni darada ka jirta dhulka Soomaalida.

Dadka dibad-baxa dhiga iyo kuwa aadka uga faa’iideysanaaya rabshadaha ayaa muuqaalo ay kasoo duuban dhibaatooyinka ka taagan deegaanada maamulka ku baahiya Facebook iyo Youtube.

Dowlada oo dabacsanaan u muujineysa shacabkeeda ayaa tiri “Waxaanu ku wargalineynaa shacabka iyo shirkadaha inay muujiyaan dulqaad dheeri ah, maalmaha seddexda cisho ee aanu hawada ka saari doono Interneedka waxaanu ula gol leenahay xakameynta xaalada kacsan”

Talaabadaani ayaa kusoo beegmeysa xili dowlada Ethiopia ay ku dhawaaqday in maamulka cusub uu waxbadan ka duwanaan doono kii hore.

Caasimada Online

Xafiiska Muqdisho

Caasimada@live.com