Cabdi Iley oo saxaafadda la hadlay iyo baaq uu shacabka u diray

[Deeq A.]

Jigjiga (Caasimadda Online)-Madaxweynaha dowladd deegaanka Soomaalida Itoobiya Cabdi Maxamuud Cumar ayaa ka soo muuqday ESTv isagoo u tacsiyaynaya dadkii ku waxyeeloobay rabshidihii maanta ka dhacay Jigjiga.
Madaxweynaha oo warkiisu aad u koobnaa ayaa dadka kula dardaarmay inay dhowraan hantida iyo amniga, wuxuuna muuqaalka goobta uu ka soo hadlayo u muuqatay xarun ka mid ah xafiisyada degaanka ee Jigjiga.
Muuqaalkan laga soo duubay Madaxweeyne Cumar ayaa waxa ka muuqda diyaargaw la’aan baahsan waxa laga deehankaray in Cabdi Maxamed Cumar uu xilligan ku jiro Xaalad aan wanaagsaneen.

Madaxweeyne Cabdi Cumar oo si goos goos Codkiisa Warbixin Codeeysay oo Teleshinka laga soo daayay loogu soo darayay ayaa waxa uu sheegay in xaalkiisu wacan yahay, waxa uuna Bulshada ka codsaday in ay isdajiyeen.

Ilaa Waabirigii hore ee saaka Magaalada Jigjiga oo ah xarunta Dowlad deegaanka waxaa ka taagnaa xaalad cakiran kadib markii Magaalada inteeda badan ey soo galeen Ciidamada Federaalka Itoobiya.

Xaalka Jigjiga wali ma wacna waxaana laga cabsi qabaa had iyo jeer in ay dhacaan iska hor imaadyo Ciidan.