maakhiri1 Posted August 4, 2018 Sida nasoo gaadhay, Ugaas Nuur wuxuu dhashay badhtamihii qarnigii sagaal-iyo-tobnaad, waxayna beeshiisu boqratay isagoon qaangaadhin oo gaban yar ah. Wuxuu geeriyooday billowgii qarnigii 20aad. Ugaas Nuur wuxuu ahaa hoggaamiye-dhaqameed magac weyn ku leh degaanka Boorame iyo Saylac, wuxuuna dhulkaa ka arimin jiray ka hor intaan gumaysigu dhulka Soomaaliyeed qaybsan. Ugaas Nuur wuxuu ka tagay tixo halhays iyo xusuus leh oo nolosha qofka Soomaaliga ah taabanaya. Tixdan hoose oo aad ka fahmi karto garashadiisa siyaasadeed ama diblomaasiyadeed waxaa la odhan karaa waa midda tixihiisa ugu caansan. Wuxuu yidhi: Allahayow nin ii daran maxaan, daafta hore seexshay Nin ii daaqsanayaana maxaan, daafidow kariyey Jidhku nimaanu doonayn maxaan, hadalka deeqsiiyey Ma degdege xaajada maxaan, ugu dulqaad yeeshay Weji dabacsan daymaan dareen, galin dubaaqiisa Debna furan dabuub una ka didin, deexashiyo muuso Qosol dibadda yaal oon ka iman, dhuunta dacalkeeda Kanaan degey kanaan doorka biday, kani dan baan moodey Waxaan dood kaftan ah sheekada, ugu daleeyaaba Dabinkaan u dhigo maalintuu, degelka soo saaro Intiiyoon dawaarka u rogoon, xeeladda u daadsho Isagoon dareen qabin maxaaan, kaga dayaansiiyey Quote Share this post Link to post Share on other sites
