Gaas oo qiray awooda DAACISH & Halista ay ku yihiin Puntland (Warbixin)

[Deeq A.]

Garoowe (Caasimada Online)-Hogaamiyaha maamulka Puntland C/weli Gaas ayaa kahadlay dagaal uu sheegay in maamulkiisa uu kula jiro maleeshiyaadka Daacishta Somalia.

Gaas, waxa uu sheegay in Daacish ay kusii kordhayaan deegaanada Puntland isla markaana ay muhiim tahay in lasoo afmeero.

Wax uu Gaas sheegay in Daacish ay gudaha usoo gashay magaalooyinka waaweyn ee Puntland, isagoo tilmaamay in arrintaasi ay cabsi galineyso shacabka.

“Sida ay Daacish wax ku wado waa arrin cabsi galineysa shacabka dadkii ay ku hayaan dhibaatooyin joogta ah”

Waxa uu tilmaamay in qiimeyn lagu sameeyay weerarada ay geystaan Daacish ay tahay mid sii kordheyso, hase yeeshee ay taasi muujineyso inay awoodeysteen Daacish.

Gaas. Waxa uu cadeeyay in dhibaatooyinkii ka dhacay Muqdisho,Buuhoodle iyo Gaalkacyo ay mas’uul ka yihiin.

Isaga oo sii hadlayay ayaa waxa uu sheegay in aysan jirin fikir dhab ah oo lagu mideysan yahay in lagula dagaalamo Daacish,waxa uuna ku baaqay in la qabto Shir Caalami ah oo ku saabsan sidii looga hortegi lahaa.

“Qaati ayaan ka taaganahay Daacish cid aan uga dacwoono ma jirto iska celin mooyee,waxaanu dooneynaa in dagaal mideysan lagu qaado si loogu laayo halka ay hadda kaga sugan yihiin buuraha”

Si kastaba ha ahaatee, C/weli Gaas ayaa hadalkaan ka sheegay Munaasabada Sanad-guuradii 20aad ee ka soo wareegatay Aas-aaska Puntland.

Caasimada Online

Xafiiska Garoowe

Caasimada@live.com