Fariintii qalbiga taabatay ee wasiirka warfaafinta Eritrea uu TWITTER-ka soo dhigay kadib booqashadii Farmaajo

[Deeq A.]

Asmara (Caasimada Online) – Wasiirka warfaafinta ee Eritrea Yamane G. Meskel ayaa si dareen leh u muujiyey sida shacabka dalkiisa ay kalgacal ugu hayaan umadda Soomaaliyyed.

Madaxweyne Mohamedd Abdullahi Farmaajo oo shalay ku tagay booqasho rasmi ah oo uu saddex maalmood ku joogay ayaa loo soo dhaweyey si muxubo ku dheehan tahay.

Shacabka Eritrea ayaa jidadka Asmara ee ah caasimadda dalkaas safaf dhaadheer u galay si  u qaabilaan waftidgii Soomaaliya oo uu hoggaaminayey Madaxweyne Farmaajo.

Isaga oo ka falcelinaya dareenkaas ayuu wasiirka warfaafinta Eritrea beegsaday bartiisa Twitter-ka isaga oo soo dhigay qoraalka.

“Xilligii dagaalkii qaboobaa, xiriirki adkaa ee ka dhexeeyey labada shacab [Eritrea iyo Soomaaliya] waxa uu noqday xiriir gaar ah iyo waliba kii isugu dhawaaa ee Geeska Afrika. Waan ku faraxsannahay taariikhdan. Xushmad ayey u hayaan shacabka Eritrea shacabka walaalaha ah ee Somalia taas oo ku qotonta kalgacalkan taariikhiga ah.”

Dowladdii dhexe ee Soomaaliya ee bur burkii kahor waxa ay si weyn isu garab taagtay dhaq dhaqaaqii gobonimo doonka ahaa ee Eritrea, kuwaas oo doonayey in ay ka goostaan Itoobiya.

Taageeradaas waxa ay keentay in ay jabhaddii uu hoggaaminayey Isaias Afwarki,  Madaxweynaha Eritrea iyo tii Melez Zenawi ee TPLF ay xukunka ka tuuraan hoggaamiye kacaanka ee Itoobiya Mingisu Hailemariam.

Kaddib markii la riday Mingistu, waxaa Eritrea u suurtagashay in ay 1991kii ka go’aan Itoobiya iyaga oo abaalkaas uga haya wali shacabka Soomaaliyeed.

Madaxweyne Farmaajo ayaa saacado ka hor kasoo dhoofay dalka Eretariya, wuxuuna kusoo wajahan yahay magaalada Muqdsho.

Caasimada Online
Xafiiska Muqdisho
Caasimada@live.com