SOMALIA oo go’doominta Qatar ka baratay 5 qodob oo muhiim ah sanad kadib

[Deeq A.]

Muqdisho (Caasimada Online) – Somaaliya iyo Qatar waxa ay wadaagaan Astaamo Siyaasadeed, Bulsho iyo Dhaqan-dhaqaale, Qatar na waxa ay kasoo gudubtay go’doomintii iyo cadaawadii ugu ba’need ee soo marta dawlad yar oo Qatar oo kale ah, Astaamaha ay wadaagaana Qatar iyo Somaaliya waxaa ka mid ah:

1-Qatar waa dawlad yar dad ahaan iyo dhul ahaan, waxa ayna deris la tahay dawlado ka badan dad ahaan iyo dhul ahaan oo doonayey muda dheer in ay liqaan ama qaataan kadib Xorriyadeedii.

2-Waxa ay leedahay Khayraat ka badan dadkeeda oo aysan haysan dawladaha dereska la ah sida Gaaska dabiiciga.

3-Waxa ay ka fur-furantahay ama ka fir-fircoontahay dadka iyo dawladaha deriskeeda ah.

4-Waxa ay Dhul, Dhaqan, Luqad, Qaraabo iyo Galaan-gal ku leedahay dadka iyo dawlaha deriska la ah.

5-Waxa ay xiriir iyo saamayn siyaasadeed iyo mid dhaqaale ku leedahay dawladaha waawayn ee dunida gaar ahaan ku leh codka Viitada.

Qodobadaas ayaa keenay in walaalaheed deriska la ah Xasdaan, iskuna dayaan mar badan in ay tirtiraan ama ay qaataan iyaga oo adeegsaday wado kasta oo ay ku gaari karaan hadafkaas sida:

1-Inqilaab melatery oo ay isku dayeen ilaa 4 jeer kadib Xornimadii Qatar.

2-Go’doomintii ugu wayneed oo la saaray sanad ka hor kadib markii laga xiray Dulka, Hawada, Ganacsiga iyo Dhaq-dhaqaaqii dhaqaalaha, lana eryey dhammaan Jaaliyadihii Qatar ee ku noolaa dawladaha deriska.

3-Waxaa lagu eedeeyey in ay taageerto Arga-gaxisada Hoyna u tahay Arga-gaxiso.

4-Waxaa lagu furay Dicaayado iyo Borabagando loo adeegsaday xarumo Cilmi-baaris, kuwo Warbaahin, Xatooyo Macluumaad iyo Tashwiis lagu furay Warbaahinta Qatar.

5-Waxaa Olole iyo dadaal dheer loo galay, dhaqaale fara badana lagu bixiyey in lagu qanciyo dawladaha caalamka gaar ahaan kuwa waawayn in ay ka qeyb-qaataan Go’doominta Qatar.

Qatar waxa ay halgan dheer u gashay, dhexdana u xiratay in ay ka guulaysato, kana gaashashamato culayska iyo cadaadiska ay saareen walaalaheed deriska la ah iyada oo adeegsatay wado kasta oo ay uga guulaysan-karto sida:

1-In ay gasho heshiisyo difaac Melatery, Saldhigna siiso dawladaha Mareykan iyo Turkey.

2-Waxa ay xoojisay Ganacsigeeda iyo kaydkeeda Cuntada.

3-Waxa ay xoojisay xiriirkeeda Siyaasadeed, Dhaqaale iyo Diplomaasi ee Caalamka, waxa ayna soo ceshatay xiriirkii Iran ee Carabtu horay u goysay.

4-Waxa ay xoojisay Warbaahinteeda iyo Saamaynteeda Adduunka gaar ahaan TV ga Aljazeera oo dagaalka ugu wayn ka dhashay.

5-Waxa ay Dacwad iyo Ashtako ka dhan ah dawladaha go’doominta u gudbisay Golayaasha iyo Maxkamadaha Adduunka gaar ahaan kuwa Qaramada Midoobay.

Go’doomintii Qatar Sanad kadib waxa ay ku guulaysatay helitaanka:

1-Magac dheer; dawladda ugu yar Adduunka uguna Magac dheer, uguna saamaynta badan.

2-Karti, Adkaysi, fir-fircooni iyo Galaan-gal dheeraad ah.

3-Kala garasho Cadaw iyo Saaxiib, Kasbasho Saaxiiba Cusub iyo Suuqya Cusub.

4-Hanashada Marti-gelinta Ciyaaraha Koobka Adduunka 2022, kadib markii dagaal dheer loo galay in la dhaafiyo laguna sunto Arga-gaxiso, waxa ayna noqotay dawkadii Carbeed ee ugu horeysay ee hanata marti gelinta Koobka Ciyaaraha Adduunka.

5-Waxa ay ku guulaysatay Dacwadii Maxkamadda Cadaaladda Adduunka ee ka dhanka aheed dawlada Emaaraatka.

Hadaba Somaliya maxay ka bara kartaa Qatar:

1-Sida loola dhaqmo deriska haddii uu kaa tiro iyo awood badsho.

2-Sida looga faa’iidaysto Khayraatkaaga iyo Hantidaada looguna kasbado Saaxiibo.

3-Sida loo galo dagaal Diplomaasi looguna adkaado, loogana maarmo dagaal Milatery iyo mid Hubb.

4-Sida loo kasbado Saaxiibo Dunida loona yeesho Magac dheer iyo Maamuus.

5-Sida Dunida maanta Tira badan, Ciidan badan iyo Hubb badan uga Qiimo iyo Macna badantaha Tayada badan, Dhaqaalaha badan iyo Aqoonta badan.

W/Q. Mohamed Gacal (Dr Gacal)