ONLF oo ka hadashay sida ay u arkaan booqashada FARMAAJO ee ASMARA

[Deeq A.]

Asmara (Caasimada Online) – Iyadoo uu Madaxweynaha JFS Maxamed Cabdullaahi Farmaajo uu booqasho Seddex cisho ah ku joogo magaalada Asmara ee dalka Eriteria ayaa waxaa booqashadaasi ka hadlay jabhada ONLF.

Afhayeenka jabhadda ONLF Caddaani Hirmooge, ayaa sheegay in safarka Madaxweyne Farmaajo ee magaalada Asmara uu yahay mid muhiim u ah labada Shacab Eriteria iyo Somalia.

Caddaani Hirmooge, waxa uu sheegay in dowlaha Somalia iyo Eritrea uu ka dhaxeeyo xiriir soo jireyn ah balse hadda la doonaayo in mar kale la cusbooneysiiyo xiriirka.

Caddaani Hirmooge, waxa uu tilmaamay in Somalia ay ku noolyihiin shucuub badan oo kasoo jeeda dalka Eriteria, halka Eriteria-na ay ku noolyihiin shacab Soomaaliyeed oo la doonaayo inay kawarqabto dowladooda.

“Waa arrin fiican in labada dal ay ka shaqeeyan sida lagu hagaajin lahaa xiriirkii soo jireenka ahaa waanu taageersanahay isbedelka ka jira Gobolka”

Sidoo kale, Caddaani Hirmooge ayaa sheegay inay rajeynayaan inay la kulmaan Madaxweyne Farmaajo maadaama ay ku wada sugan yihiin Asmara.

Haddalka Afhayeenka ONLF Caddaani Hirmooge ayaa kusoo beegmaya iyadoo dhawaan dowlada Somalia ay shaacisay in Jabhada ONLF ay u aqoonsan yihiin urur argagixiso.

https://www.caasimada.net/wp-content/uploads/2018/07/f79a5e6d-5cea-442e-813b-931ca49186f0_48k.mp3

Caasimada Online
Xafiiska Muqdisho
Caasimada@live.com