Dowladda SOMALIA oo ku dhawaaqday QORSHE ka dhan ah iskuullada XAMAR

[Deeq A.]

Muqdisho (Caasimada Online) – Wasiirka Qorsheynta iyo Maalgashiga Xukuumadda Soomaaliya Jamaal Maxamed Xasan oo maanta ka qeyb galaya shir caalami ah oo looga hadlayo waxbarashada dalka oo lagu qabtay magaalada Muqdisho, ayaa si qoto dheer ugu hadlay waxbarashada iyo qorshaha dowlada ugu degsan.

Wasiirka ayaa tilmaamay in magaalada Muqdisho ay ku yaallaan iskuulo waxbarasho oo tiro badan, kuwaas oo tayadooda waxbarasho aysan gaarsiisaneen heerkii looga baahnaa xilligan.

“Dowladdu waxay bilowday qorshe ay arimahaas wax ugu qabaneyso, waxaana jiri doona tallaabo lagu yareynayo iskuullada tirada badan ee magaalada Muqdisho ku yaalla.” Ayuu yiri wasiir Jamaal.

Wasiirka Qorsheynta iyo Maalgashiga Xukuumadda Soomaaliya Jamaal Maxamed Xasan ayaa yiri ”baaritaan ay sameysay Wasaarada Qorsheynta waxaan ku ogaanay in dadka Soomaaliyeed 40% ay wax aqrinkaraan waxna qori karaan, halka 90% dadka Soomaaliyeed ay fursad u heli karaan in ay waxbartaan sidaas daraateedna sanadka 2020-ka Qorshaha dowlada u dagan in uu yahay in dadka wax qori kara waxna aqrin kara in la gaarsiiyo heer aad u sareeya.”

Caasimada Online
Xafiiska Muqdisho
Caasimada@live.com