Keating: Waa kala fog yihiin waxay Somaliland fileyso iyo taan anagu dooneyno

[Deeq A.]

Muqdisho (Caasimada Online) – Ergayga gaarka ah ee QM u qaabilsan arrimaha Somalia Michael Keating, ayaa ka hadlay suuragalnimada inay isku soo dhawaadan dowlada Somalia iyo maamulka Somaliland.

Michael Keating, waxa uu sheegay adduunka oo idil inuu ka simanyahay inaan la kala jarin Somalia, balse si wada jira looga shaqeeyo midnimadooda.

Waxa uu tilmaamay in QM aysan ka suuroobeynin inay u ololeyso go’itaanka Somaliland isaga oo carab ***** in go’aanka QM ee midnimada Somalia ay dhowr jeer gaarsiiyen Somaliland.

“Qorshaha waxa uu yahay in laga fogaado wixii ka fog midnimada Somalia, waxaa lama huraan ku ah Soomaalida inay xal u helaan khilaafkooda oo ay ka shaqeeyan midnimada, waxa uu go’aanku yahay keliya in lamideeyo Somalia”

“Somalia iyo Somaliland wey isaga dhowyihiin sidii hore waxaan dooneynaa keliya in la dardar galiyo wadahadalada si loogaaro xalka aan fileyno”

Michael Keating, waxa uu sheegay in wadada keliya ee Somalia u furan ay tahay inay xal ka gaaran khilaafka fogaaday, waxa uuna meesha ka saaray iney jirto rajo muujineysa in Somaliland lagu taageero gooni isku tag.

“Adduunku waxa uu ku dhiiranayaa inay midooban oo tuulooyin leysku bedelo, Somaliland-na waxa ay hamineysaa gooni isku tag, taasi ma suuroobi karto waxaanu dooneynaa Somalia oo nabad ah”

Sidoo kale, Michael Keating, ayaa dowlada Somalia ugu baaqay inay xal degdeg ah u raadiso tabashooyinka Somaliland, waxa uuna cadeeyay in QM ay kaalin weyn ka qaadan doonto xal u helida muran Siyaasadeedka taagan.

Haddalka Michael Keating, ayaa kusoo beegmaaya iyadoo dhawaan Madaxweynaha Somalia Maxamed Cabdullahi Farmaajo uu ballanqaaday xal u raadinta tabashooyinka Somaliland.

Caasimada Online
Xafiiska Muqdisho
Caasimada@live.com