Arag Sawirro: Al-Shabaab oo soo bandhigay sida ay gabdhaha wax u baraan

[Deeq A.]

Baydhaba (Caasimada Online) – Kooxda Al-Shabaab ayaa soo bandhigtay muuqaallo muujinaya sida ay haweenka wax ugu bartaan uguna asturan yihiin deegaanada ay koxodan gacanta ku hayso.

Sawirro lagu baahiyey website-yada kooxdan taageera ayaa muujinaya iskuul ku yaalla gobollada Bay iyo Bakool, oo u gaar ah gabdhaha oo kaliya, islamarkaana aysan dhigan wax wiilal ah.

Sida qoraalka lagu sheegay, gabdhaha ayaa machadka soo gala aroortii hore waxayna ka laabtaan maqribkii, halkaasoo ay maalintii ku qaataan cunnadooda iyo wax barashadooda, iyadoo ay macallimiintoodu u badan yihiin haween kale.

Machadkan ayaa xubnaha Shabaab ee maamula waxa ay sheegeen in loogu tala galay muddo sadax sannadood ah inay gabdhaha ugu baxaan.