Ciidamada Jubbaland oo qabtay Nin Aaabihiis Dilay

[Deeq A.]

Ciidamada amaanka maamulka Jubbaland ayaa gacanta ku dhigay Nin dhalinyaro ah oo abaahiis ku dilay Gobolka Jubbada Hoose.

Falkaan ayaa waxa uu ka dhacay deegaanka Buulo-Gaduud oo qiyaastii 30-KM u jirta Magaalada Kismaayo ee xarunta Gobolka Jubbada Hoose.

Wiilkaan dhalinyarada ahaa ayaa dilay Allaha u naxariistee Cabdullaahi Shariif Kalar oo ahaa Aabihiis.

ilaa iyo hadda si rasmi ah looma oga sababta uu wiilkaasi dhalinyarada ah uu Aabihiis u dilay.

Ciidamada amaanka Jubbaland ayaa gacanta ku soo dhigay ninkaasi iyaga oo hadda weeydiinaya su’aalo ku saabsan sababta uu aabihiis u dilay.

Ninkaan ayaa dilka Aaabihiis u adeegsaday Baangad uu qudha kaga Jaray Allaha u naxariistee Aabihiis Cabdullaahi Shariif Kalar.

Saraakiisha Jubbaland ayaa sheegay in ay dib warbaahinta ugu faah faahin doonaan qaabka uu falkaan u dhacay iyo sababta uu Aabihiis u dilay Wiilka.

Xasan Maxamed Samatar Cowke

Puntland Post

The post Ciidamada Jubbaland oo qabtay Nin Aaabihiis Dilay appeared first on Puntland Post.