ONLF oo war cad kasoo saartay Mowqifkeeda ku aadan dagaalka Oromada iyo Soomaalida Ethiopia

[Deeq A.]

Nairobi (Caasimada Online)-Iyadoo ay sii xoogeysanayaa dagaalada u dhexeeya Soomaalida iyo Oro,ada Ethiopia, ayaa waxaa arrintaa ka hadlay Ururka ONLF.

ONLF ayaa sheegtay inuu sii kordhayo khasaaraha dhimasho iyo mida dhaawacba ee ka dhashay dagaalka balse aysan jirin cid mas’uuliyad gaara iska saartay badbaadinta shacabka.

ONLF waxa ay sheegtay in tirada dhimashada iyo khasaaraha dhaawaca ee ka dhashay dagaalka labada maalin socday aan la xisaabi Karin waxa ayna dhaliisha iyo difaac la’aanta shacabka dusha ka saaren maamulka hadda haya talada.

Cabdiqaadir Xasan Hirmooge Caddaani oo ah Afhayeenka Ururka ONLF ayaa sheegay in Ururka uu dagaalkan bayaan ka soo saaray, wuxuuna tilmaamay dagaaladii ugu dambeeyay inay ku dhinteen 50 qof oo Haween iyo caruur ay ku jiraan.

Afhayeenka Ururka ONLF waxa uu intaa ku daray in Oromada ay nolosha iyo guryaba ku gubeen qoysas Soomaaliyeed, hase yeeshee ay taasi ku imaaday mas’uuliyad daro heysata madaxda hadda ka jirta dhulka DDSI.

Waxa uu Afhayeenka oo u waramaayay VOA sheegay in hadii ay sii socdaan dagaaladan u dhaxeeya qabaa’ilada Oromada iyo Soomaalida Ethiopia ay ka dhalan karto cawaaqib xumo, waxa uuna ka digay in dadka macaashka ku qaba colaada ay faraha kula sii jiran howlaha ceynkaasi ah.

Nuqul kamid ah haddalkiisa ayaa ahaa “Waxaa wax aad looga xumaado ah, marka ay dadkani is garabsan lahaayeen oo ay is anfici lahaayeen, is caawin lahaayeen, heshiin lahaayeen, in iyaga dhexdooda ay diriraan, waxaan ku baaqeynaa in si deg deg ah loo joojiyo dagaalada ay ku dhimanayaan rayidka.”

Sidoo kale, waxa uu cadeeyay in dhibta ugu badan ay ku dhacdo Soomaalida, waxa uuna taasi ku sheegay arrin halisteeda leh oo aan loo dulqaadan Karin.

Haddalka kasoo yeeray ONLF ayaa u muuqanaaya mid maamulka DDSI loogu tilmaamayo mas’uuliyad darada heysata oo ay ka gaabiyeen xalkeeda.

Caasimada Online

Xafiiska Nairobi

Caasimada@live.com