Sharci ahaanshaha xil ka qaadista ku xigeennada NISA oo shaki ku jiro iyo R/W Kheyre oo la tuhmayo

[Deeq A.]

Muqdosho (Caasimadda Online) – Warqad shalay ka soo baxday xafiiska agaasimaha hay’adda Nabadsugidda iyo sirdoonka qaranka Xuseen Cusmaan Xuseen ayuu shaqada uga joojiyey labadiisii ku xigeen.

Cabdalla Cabdalla Maxamed oo ah ku xigeenka kowaad ayaa ilo wareedyo lagu kalsoon yahay u xaqiijiyey in shaqada laga joojiyey. Hase ahaatee, waxaa aritaas walaac weyn ka muujiyey khubarada ku xeel dheer arimaha sirdoonka ee ku sugan magaalada Muqdisho.

Su’aalaha ay isweeydiinayaan waxaa ka mid ah yaa leh mas’uuliyadda xil ka qaadista labada agaasime ku xigeen ee hay’adda Nabadsugidda iyo Sirdoonka Qaranka (NISA)?

Waxaa la’ogyahay in warqadda shaqada looga joojiyey labada agaasime ku xigeen aysan ku caddeyn in agaasimaha uu la tashi kala sameeyey Madaxweyen Farmaajo oo isagu soo magacaabay agaasimeyaasha Nabadsugiida iyo Sirdoonka Qaranka.

Qodobka 90-aad ee dastuurka, farqadiisa 4-aad waxaa ku cad in kaliya madaxweynaha uu leeyahay magacaabista iyo xil ka qaadista taliyayaasha ciidamada ee heer federal, taasi o hadda u muuqata in la baal-maray.

Hadaba, haddii ay dhacdo in uusan kala tashan Madaxweynaha shaqo ka joojinta labada agaasime ku xigeen, su’aasha ayaa ah yaa bixiyey amaraka?

Waxaa jira guux hoose oo sheegaya in Ra’isul wasaaraha xukumadda Xassan Cali Kheyre uu lahaa amarka shaqada looga farisiyey labada agaasime ku xigeen.

Caasimada Online
Xafiiska Muqdisho
Caasimada@live.com