Deeq A. Posted July 8, 2018 Abiy Ahmed Abiy Ahmed ra’iisul wasaaraha dalka Itoobiya ayaa booqasho aan horey loo shaacin ku tagey caasimada Asmara ee dalka Eritrea. Ra’iisul wasaare Abiy Ahmed ayaa kulan la qaadan doona Madaxweynaha Eritrea Isaias Afwerki waxayna ka wada hadli dooonaa sidii loo debcin lahaa xiisadda ka taagan soohdinta lagu muransan yahay ee labada dal udhexaysa. Labada dal ayaa muddo dheer ku muransanaa deegaanno ka tirsan soohdinta ay wadaagaan, waxaana Qaramada Midoobay ay deegaannadaasi u xukuntay Eritrea, walow ay Itoobiya diiday go’aankaasi. Eritrea iyo Itoobiya ayaa sanadii 1998 waxaa dhexmaray dagaal kharaar oo ay ku dhinteen kumanaan qof, kaas oo socday ilaa iyoo 2000, kadib dhexdhexaadintii sanadkii 2002 ma jirin wax xiriir ah oo ay la haayeen labada dal. Ra’iisul wasaare Abiy ayaa bishii hore aqbalay heshiiskii nabadeed ee Eritrea u gooyey soohdintii lagu muransanaa ee labada dal, waxaana Addis Ababa booqday wafdi ka socday Eritrea. Waa raii’sul wasaarihii ugu horeeyay oo ka socda Itoobiya oo tago dalka Eritrea muddo 20 sano ah. PUNTLAND POST The post Abiy oo ka degay Asmara appeared first on Puntland Post. Share this post Link to post Share on other sites
