Ciidamada ammaanka oo gacanta ku dhigay nin ku labisnaa dharka dumarka

[Deeq A.]

Muqdisho (Caasimada Online) – War goordhow nasoo gaaray ayaa sheegaya in ciidamada Xasilinta Muqdisho ay gacanta ku dhigeen nin watay Indha-shareer.

Ciidamada ayaa ninkaasi kala dagay gaari raaxo oo uu la socday xili ay marayeen wadada Makka Al-Mukarama ee magaalada Muqdisho.

Ciidamada Xasilinta ayaa sidoo kale la wareegay gaariga iyo dad kale oo la socday, waxa ayna arrintaani dhacday xili gaariga uu ku jiray safka barista gaadiidka raaxada.

Ciidamada ayaa markii hore si gaara uga shakiyay gaariga iyadoo ay xusid mudan tahay in ninka indha-shareerka watay uu lahaa gar aad u weyn.

Mid kamid ah dadkii goobjoogayaasha ahaa ayaa yiri “Ciidamada ayaa baaritaan kawaday wadada waxa ay wadaha gaariga ku amreen inuu joojiyo gaariga kadib ninka indha-shareerka watay ayey fareen inuu kor u qaado indha-shareerka waxa uuna noqday nin garweyn lahaa oo watay Indha-shareerka”

“Ciidamada waxa ay sidoo kale wateen dad kale oo la socday gaariga balse aan indha-shareer wada waxa ayna wateen gaariga iyo dadkii la socday”

Dhacdadaani ayaa ka dhacday Isgooska Xaaji baasto ee wadada Makka Al-Mukarama, waxa ayna cabsi galisay dadka ku sugnaa goobta.

Dhinaca kale, maleeshiyaadka Al-Shabaab kuwooda ku sugan magaalada Muqdisho ayaa inta badan isku muuqaal ekeysiiya haweenka daboolan, sababo la xiriira cabsida ay ka qabaan ciidamada amaanka.

Caasimada Online
Xafiiska Muqdisho
Caasimada@live.com