Wafti ka socda dalka Qatar oo maanta booqday dekad ay Soomaaliya ka rabaan

[Deeq A.]

Hobyo (Caasimada Online) – Wafdiga ka socday dowladda Qatar ayaa maanta tageya magaalada Hobyo ee gobolka Mudug, ayaga oo soo eegaya dekadda magaalaaas, oo ay doonayaan inay maal-gashtaan.

Waftigan ayaa waxaa safarkooda magalada Hobyo ku wehlinaya madaxweynaha dowlad goboleedka Galmudug Axmed Ducaale Geelle Xaaf iyo xildhibaano ka tirsan labada aqal ee baarlamanka Soomaaliya.

Xubnaha ka socda dalka Qatar ayaa doonaya inay sahmin ay ku sameeyaan dhismaha ku socda dekada Hobyo iyo arrimo kale.

Wafdiga ayaa kormeer ku tagay halka laga dhisayo dakada Hobyo oo uu dhawaan uu dhagax dhigay madaxweynaha Soomaaliya Maxamed Cabdullaahi Farmaajo, kadib booqashadii uu ku tegay.

Sidoo kale inta ay ku sugan yihiin wafdiga ka socda wasaarada dekadaha dowladda Qatar waxa ay booqan doonaan dhowr goobood oo ka tirsan xeebta magaalada Hobyo, waxaana sidoo kale dhawaan la filayaa in ay booqdaan dekadda degmada Baraawe ee gobolka Shabeellaha Hoose.

Caasimada Online
Xafiiska Hobyo
Caasimada@live.com