Sawir: Jihaadiiste uu dhalay Hogaamiyaha DAACISH oo la khaarijiyay & Qaabka uu dilka u dhacay oo..

[Deeq A.]

Muqdisho (Caasimada Online)-Sida ay qortay wakaaladda wararka u faafisa maleeshiyaadka Daacish ee (Amaq) waxaa la khaarijiyay wiil uu dhalay Hoggaamiyaha ugu sareeya Daacish.

Wiilkan la dilay ayaa la sheegay inuu ku baxay duqeyn ka dhacay magaalladda Xomas oo ku taalla Galbeedka dalka Syria.

Wakaaladu waxa ay sheegtay in wiilkaani lagu dilay duqeynta lagu magacaabi jiray Xudayfa Al-badri uu kamid ahaa dhalinyarada aadka ugu firfircoon dhanka dagaalka, isla markaana uu dhalay Hoggaamiyaha Daacish, Abubakar Al-baqdaadi

Maleeshiyaadka ayaa duqeynta lagu dilay  Xudayfa Al-badri dusha ka saaray dowlada Russia oo la sheegay inay ka danbeysay fulinta duqeynta oo ay geesteen Militerigooda.

Amaq oo soo bandhigtay sawirka wiilkaani uu dhalay Horjoogaha ayaa waxaa ka muuqda inuu yahay wiil aad u yar, balse lagu khalday dagaalka.

Docda kale, ma aysan wakaaladu sheegin xiliga iyo ayaanka la dilay jihaadiistahaani da’da yar ee sababsaday diyaaradah Ruushka.

Caasimada Online

Xafiiska Muqdisho

Caasimada@live.com