Cabdi Kariin Qalbi Dhagax oo ku soo Wajahan Muqdisho

[Deeq A.]

Warar lagu kalsoonaan karo oo ku soo dhacay Warqabadka Warbaahinta Puntland Post ee Muqdisho ayaa ku waramaya in Cabdikariin Sh Muuse Qalbi Dhagax uu ku soo wajahanyahay Magaalada Muqdisho ee caasimada Soomaaliya.

Qalbi Dhagax ayaa muddo 10-Bilood ah ku xirnaa xabsi ku yaala Itoobiya kadib markii dowlada Soomaaliya ay Itoobiya u gacan galisay.

Qalbi Dhagax ayaa laga qabtay kal hore magaalada Gaalkacyo ee xarunta Gobolka Mudug halkaasi uu ku noolaa.

Dowlada Itoobiya ayaa dhowaan sii deeysay qalbi dhagax kadib kulan uu la qaatay Ra’isilwasaaraha Itoobiya Abiy Axmed.

Ma cada in Markii qalbi Dhagax uu yimaado Muqdisho uu la kulmi doono madaxda dowlada uu ku eedeeyay in ay iyaga u dhiibeen Itoobiya.

Dhowaan Safiirka Dowlada Itoobiya u fadhiya Soomaaliya ayaa sheegay in sii deeynta qalbi dhagax ay ku timid codsi dowlada Soomaaliya u dirtay Itoobiya.

Xasan Maxamed Samatar Cowke

Puntland Post Muqdisho

The post Cabdi Kariin Qalbi Dhagax oo ku soo Wajahan Muqdisho appeared first on Puntland Post.