Sawiro: Puntland oo ciidan aad u badan geysay Takuraq iyo cabsi halkaas ka taagan

[Deeq A.]

Garoowe (Caasimadda Online) – Wararka ka imaanayo deegaanka Takuraq ee Gobolka Sool ayaa sheegaya inay halkaas gaareen ciidamo badan oo ka tirsan kuwa Maamulka Puntland.

Deegaanka Takuraq oo ay isku hor fadhiyaan maamulada Somaliland iyo Puntland ayaa ku jirto xaalad aad halis u ah iyadoo daqiiqad kasta u nugloon inuu halkaas dagaal ka bilowdo.

Ciidamada ka socdo Puntland ee halkaas gaaray ayaa lasoo sheegayaa inay ka imaadeen Magaalada Qardho ee Gobolka Bari.

Ciidamadaan oo watay gawaarida dagaalka iyo kuwa ciidamada lagu daabulo ayaa ku biiray ciidamada Puntland ee ku sugan difaaca hore ee dagaalka.

Ciidamadaan gaaray halkaas ayaa Takuraq kusii abuuray cabsi iyo inuu mar kale qarxo dagaal aad u adag oo dhexmaro labada Maamul.

Ciidamadaan halkaas gaaray ayaa kusoo aadayo xilli laba maalin ka hor uu Cabdiweli Gaas ku baaqay dagaal cusub oo lala galo Maamulka Somaliland kadib khudbad uu ka jeediyey furitaanka kala fadhiga Baarlamaanka Puntland.

Sidoo kale Madaxweynaha Maamulka Somaliland Muuse Biixi ayaa isna sheegay dhankiisa inay ka go’an tahay sidii maamulka Somaliland loo gaarsiin lahaa xuduudiihii uu calaameeyey gumeystihii Ingiriiska.

Haddaba hallkaan hoose ka daawo sawirada