Biixi oo cabaad afka furtay ‘’Waxaan garan la’ ahay sababta ay Puntland Mindiyaha noogu sifeysaneyso’’

[Deeq A.]

Hargeysa (Caasimada Online)-Hoggaamiyaha maamulka Somaliland Muuse Biix Cabdi ayaa mar kale ka hadlay dagaalka dhiiga ku daadanaaya oo ciidamada Cabdiweli Gaas ay kawadan Gobolka Sool.

Muuse Biix Cabdi, ayaa sheegay in ciidamada Cabdiweli Gaas ay diyaar u yihiin inay khilaafka jira uga dhex faa’iideystan daadinta dhiiga shacabka ku nool Gobolka Sool.

Muuse Biix Cabdi, waxa uu tilmaamay in xilligaan Somaliland aysan diyaar u aheyn dagaallo ka dhaca Sool, islamarkaana dhankooda ay doonayaan nabad.

Muuse Biixi waxa uu sheegay in dagaal aanu faa’ido lahayn, Somaliland-na ay diyaar u tahay nabad iyo wadahadal ay la gasho Puntland.

Biixi oo ka hadlaayay colaada ka jirta Gobolka Sool iyo sida ay ugu faraxsan tahay Puntland ayuu yiri “Waxaan u sheegayaa dhammaan dadka Afsoomaaliga ku hadlay, Somaliland waxay dooneysaa Nabad, Soomaaliya waxaan leenahay 27-sano oo silac, rafaad, dhimasho iyo waxbarasho la’aan ah baan ku jirnaa uma sii baahnin colaado kale, uma baahnin dagaal, wax hadal lagu dhameyn karo anigu garan maayo waxa loogu dagaallamayo”

Biixi waxa uu intaa raaciyay ‘’Micnuhu maaha inaan iska celin weysanahay Puntland ee waxaa na dhibeysa dhiiga 27sano kadib kusii qubanaaya maalayacniga.

Biixi ayaa hadalkaan ka sheegay Munaasabad xalay lagu qabtay Madaxtooyada Somaliland ee magaalada Hargeysa, laguna xusayay 26-ka Juun waxa uuna khudbadiisa xooga ku saaray colaada Gobolka Sool.

Sidoo kale, Hoaggaamiyaha Puntland C/weli Gaas oo dhowaan ka hadlay magaalada Garoowe ayaa sheegay in ay ka go’an tahay sidii ay gobolka Sool dagaal ugu qabsan lahaayeen.

Dhinaca kale, Hogaamiye Muuse Biixi ayaa u muuqanaaya mid doonaaya in laga gudbo colaada deegaanka Tukaraq, halka C/weli Gaas uu mindiyaha u sifeysanaayo Somaliland iyo shacabka ku nool Gobolka Sool.

Caasimada Online

Xafiisk Hargeysa

Caasimada@live.com