Wargeysyada galbeedka oo xoogga saarayo in Erdogan aan la dooran + Sababta

[Deeq A.]

Ankara (Caasimadda Online) – Saxaafadda Reer Galbeedka ayaa weerar culus ku qaaday madaxweynaha Turkiga Recep Tayyip Erdogan ee ku jira ololaha uu doonayo in dib loogu doorto, waxaana wargeysyada caanka ah ee dalalkaasi ay dadka Turkiga ugu baaqeen inay ridaan Erdogan.

Faragelinta qaawan ee gaartay saxaafadda lagu tilmaamo inay xor tahay ee dalalka Ingiriiska, Jarmalka, Faransiiska iyo kuwo kale waxay caddeyn u tahay in reer Galbeedku aysan ogoleyn hoggaamiye islaami ah oo horumar gaarsiiyey dalkiisa, isla markaana la tartamaya dalalka reer Galbeedka xitaa haddii uu doorasho ku soo baxayo.

Jariirada TIMES ayaa qoraal ay doorashada Turkiga ka qortay ugu baaqday dadka Turkiga inay heystaan fursad ay xukunka uga ridi karaan hoggaamiyaha kelitaliska ah ee ay ugu yeertay SULDAAN si dalkaasi loogu soo celiyo dimoqraadiyad.

Wargeyska caanka ah ee Economist oo isna ingiriiska laga leayahay wuxuuna gaaray heer uu dadka codeynaya ee Turkiga u sheego inay Erdogan tusaan albaabkii uu ka bixi lahaa, si aysan awoodda ugu ururin hal shaqsi, dalkaasina looga badbaadiyo kelitalis.

Wargeyska Guardian wuxuu qoray maqaal cinwaan looga dhigay: Erdogan wuxuu halis ku yahay Turkiga iyo Caalamka; waxaana qoraha maqaalkan uu ku doodayaa in hadda la gaaray xilligii Erdogan gurigiisa loo diri lahaa.

Wargeyska Le point ee Faransiiska ayaa hore madaxweyne Erdogan ugu tilmaamay inuu yahay keligii taliye isku koobay awoodda daka Turkiga, una socdo inuu wada qabsado awoodda dalkaasi.

Wargeyska caanka ah ee Jarmalka Der speigel ayaa isna raacay jidkaaasi isagoo Madaxweyanha Turkiga ku tilmaamaya keligii taliye dhibaato ku haya shacabka dalkiisa oo dadka Turkiga laga doonayo inay codkooda ku ridaan.

Arrimahan oo dhan waxay caddeynayaan in reer Galbeedku caddow ku yahay cid kasta oo aan iyaga kaba-qaad u ahayn inay kasoo baxdo dalalka Islaamka, haba ku timaado si dimoqraadi ah.

Caasimada Online

Xafiiska aNKARA

Caasimada@live.com