‘Puntland oo xoog ku soo furatay maxaabiis u xirney Somaliland kadib dagaal’

[Deeq A.]

Laascaanood (Caasimada Online) – Maamulka Puntland ayaa faah-faahin ka bixiyey dagaal xalay saqdhii dhexe billowday oo u dhaxeeyey ciidamada maamulada Puntland iyo Somaliland.

Dagaalka ayaa waxa uu ka dhacay  magalada Laascaanood, halkaasi oo ay ciidamada Puntland weerareen, sida uu sheegay guddoomiyaha gobolka Sool ee Puntland Abuubakar Cabdi Geelle.

Guddoomiyaha waxa uu sidoo kale sheegay in Ciidamada Puntland ay qabsadeen laba Saldhig oo fariisin u aheyd Ciidamada Somaliland, isla markaana ay xoog kusoo furteen maxaabiis u xirneyd Somaliland, sida uu hadalka u dhigay.

Maamulka Somaliland dhankooda wax jawaab ah weli kama bixin hadalka ka soo yeeray Maamulka Puntland ee ku aadan in Puntland ay xoog kusii deysay dad u xirnaa Somaliland. Sidoo kale si madax banaan looma xaqiijin karo sheegashada Puntland.

Arrintan ayaa imaneysan ayada oo Somaliland ay maanta ka jawaabtay hadal shalay kasoo yeeray Cabdi Weli Gaas oo uu ku hanjabayn in Laascaanood aysan sii haysan doonin Somaliland.

Labada maamul ayaa waxaa dhowaanahan ka dhex-oogan nxiisad dagaal, ayaga oo dhowr mar ku dagaalamay tuulada Tukaraq, ee gobolka Sool, oo labada dhinacba ay ku baratamayaan gacan ku haynteed.

Hoos ka dhageyso codka guddoomiyaha gobolka Sool ee Puntland.

https://www.caasimada.net/wp-content/uploads/2018/06/Cod-sool.mp3

Caasimada Onlione
Xafiiska Garoowe
Caasimada@live.com