Akhriso Magacyada: Villa Somalia oo shaqada ka eryisay shaqaalihii ugu badnaa oo ka shaqeeya Xarunta

[Deeq A.]

Muqdisho (Caasimada Online)-Warar soo baxaaya ayaa sheegaya in shaqo ka eryin lagu sameeyay inkabadan 50 ruux oo isugu jira rag iyo dumar kana mid ahaa shaqaalaha Madaxtooyada Somalia.

Shaqaalahaani ayaa la sheegay in lagu eryay tuhuno ay ka qabto Madaxtooyada Somalia, waxaana meeleentooda lagu amray Wasaarada Shaqada iyo Shaqaalaha Xukuumada Soomaaliya.

Wasaarada Shaqada iyo Shaqaalaha ayaa waxaa la faray in dhammaan dhalinyarada laga eryay Villa Somalia ay u wareejiso Wasaarado iyo Hay’adaha kale ee DFS.

Shaqaalaha laga soo eryay Villa Somalia ayaa intooda badan kasoo shaqeeyay qeybaha Nadaafada, Raashiin kariska iyo Adeegyada hoose ee Madaxtooyada Somalia.

Shaqaalaha laga eryay Villa Somalia ayaa waxaa ku jira kuwo kasoo shaqeeyay inkabadan 10 sano, hase yeeshee si rasmi ah looma shaacin sababta ka danbeysay eryintooda.

Sidoo kale, warqad kasoo baxday xafiiska ku-xigeenka Agaasimaha Madaxtooyada Somalia ayaa waxaa shaqaalaha la eryay lagu amray in si deg deg ah ay ugu soo celshan aqoonsiga ay ka heysteen Villa Somalia.

Eryinta shaqaalahaani kabadan 50 ruux, ayaa daba socta shaqeele kale oo horay looga eryay Villa Somalia, tan iyo markii la doortay dowlada hadda jirta.