Xogo kusoo kordhay qorshaha la wareegida Hawada Somalia (Warbixin cusub)

[Deeq A.]

Muqdisho (Caasimada Online)-Warar dheeraad ah ayaa waxa uu kasoo baxayaa qorshaha lagu doonaayo in maamulka Hawada loogu gacan galiyo dowlada Somalia.

Qorshahan ayaa waxaa faahfaahino ka bixiyay Dowlada Somalia iyo maamulka Hey’adda ICAO ee Qaramada Midoobay u qaabilsan Hawada.

Saraakiisha Hey’adda ICAO ee QM ayaa shaaciyay in hadawada Somalia oo sanadihii danbe laga maamulayay magaalada Nairobi ay maanta soo gabagabowday maamulida hawada Somalia.

Hey’adda ICAO, ayaa xaqiijisay in la filayo in Somalia ay si rasmi ah ula wareegto maamulka Hawada, isla markaana ay dhankooda uga dhamaatay.

Arrintan ayaa waxaa ay imaneysaa kadib heshiis ay horey u kala saxiixdeen DFS iyo QM, iyadoo ay tababar fiican heleen shaqaalaha Soomaalida ee maamulka hawada.

Dowladda Somalia ayaa sidoo kale waxaa ay sheegtay in hay’addo kale ay ka caawin doonaan maamulka hawada illaa laga tababarayo shaqaale Soomaaliyeed oo awood u leh in ay maamulaan hawadda dalka.

Si kastaba ha ahaatee, talaabadani ayaa imaaneysa iyadoo December 28, 2017 ay dowladda Somalia si rasmi ah ugu dhawaaqday inay la soo wareegeyso maamulka hawada.

Caasimada Online

Xafiiska Muqdisho

Caasimada@live.com