Daawo: Al-Shabaab oo soo bandhigtay muuqaal ay ka sameysay weerarada ay ka fuliso gudaha dalka Kenya

[Deeq A.]

Muqdisho (Caasimada Online) – Garabka warbaahinteed ee maleeshiyada Al Shabaab ee Al-Kataa’ib ayaa soo saartay Filim cusub oo muuqaal guud ka bixinaya dagaallada Al-Shabaab ay ka waddo gudaha wadanka Kenya.

Filimka oo ladaawan karo qadar 52 daqiiqo ah ayaa lagusoo bandhigayaa dagaallo culus iyo weeraro dagaalyahannada Al Shabaab ay ku qaadeen saldhigyo ciidamada Kenya ku leeyihiin gobollada Lamu iyo Waqooyi Bari Kenya.

Waxaa filimkan uu banaanka soo dhigayaa ciidamada Al Shabaab oo howlgallo dhiig badan ku daatay ka fulinayay gobollada Waqooyi Bari iyo Laamu, muuqaallada lagu daawan karo filimka waxaa kamid ah dagaalyahannada Al-Shabaab oo gaadiid dagaal qabsanaya iyo iyagoo tooganaya ciidamo isugu jira Boolis iyo Melleteri.

Hoos ka daawo qaar ka mid ah sawirrada filimka.