Maamulka Shirkada Dahabshiil oo waxaba kama jiran ku tilmaamay hadal ka soo Yeeraya Xildhibaan Saadaq Abshir Garaad

[Deeq A.]

Shirkadda Dahabshiil ayaa ka jawaabtay eedeyn uu u jeediyay G/guddiga Difaaca ee Baarlamanka Puntland Saadaq Abshir Garaad, kaas oo ku aadana in shirkada Dahabshiil ay Somaliland ay ka taageerto dagaalka ay kula jirto Puntland.

Maamulka Shirkada ayaa waxaba kama jiran ku tilmaamay hadalka ka soo yeeraya xildhibankaasi iyagoonka ku tilmaamay wax laga xumaado.

Maamulaha Shirkadda Dahabshiil qeybteeda Boosaso Yasin Beeldaje oo shir jaraa,id warbaahinta ugu qabtay xafiiskisa Bosaso ayaa ugu baaqay Guddiga anshaxa ee Baarlamanka Puntland in arintaasi Raali galin ay ka bixiyaan, Xasaanadana laga qaado Xildhibaankaasi.

Aniga oo ah Maamulaha Shirkadda Dahabshiil Qeybteeda Bosaso waxan cadaynayaa in shirkadu aya tahay mid aduunka dhan si siman uga shaqeysa oo aan kooxaysi iyo cid ay taageerto aysan jirin.

waxanu wax laga xumaado ku tilmaamayna hadlka ka ka soo yeeray Xildhibaan Saadaq Abshir Garaad ,gudiga anshaxa barlamaanka Puntland ayan ugu baaqeyna in ay Xasaanada ay ka qaadan Xildhibankasi maadama uu wado kicin shacab aflagadana u geystay shirkada bulshada caalamka dhexdhexaad u ah, sidaas waxa yiri Maamulaha shirkada Dahabshiil Qeybteeda Bosaso Yaasiin Beeldaje.

Ugu danben waxa uu shacabka Puntland u sheegay ineysan waxba ka jirin, Taageero iyo Faragalin ay shirkadda Dahabshiil ku leedahay Colaada ka dhaxeysa maamulada Puntland iyo Somaliland.

Cabdiqani Boos 

Puntland Post- Bosaso

The post Maamulka Shirkada Dahabshiil oo waxaba kama jiran ku tilmaamay hadal ka soo Yeeraya Xildhibaan Saadaq Abshir Garaad appeared first on Puntland Post.