Daawo Sawirro qurxoon oo laga soo qaaday booqashada Ra’isul wasaare Abiy ee Muqdisho

[Deeq A.]

Muqdisho (Caasimada Online)-Ra’isul wasaaraha dalka Ethiopia Abiy Ahmed, ayaa goor dhaw soo gaaray Garoonka Aadan Cadde ee Magaalada Muqdisho, kadib markii uu maanta booqasho uu ku yimid.

Maxamed C/laahi Farmaajo, Madaxweynaha Somalia ayaa Garoonka Aadan Cadde ku soo dhaweeyay Ra’iisul Wasaaraha dalka Ethiopia Abiy Ahmed.

Garoonka waxaa ku sugan Mas’uuliyiin kale oo fara badan kuwaasi oo ka qayb qaadanaya soo dhaweynta Wafdiga uu hoggaaminaayo Ra’isul wasaaraha dalka Ethiopia.

Ra’isul wasaaraha Ethiopia, Abiy Ahmed ayaa ku yimid diyaarada Ethiopia Airline, waxaan la socday Ra’iisul Wasaaraha ciidamo tuuteysan oo Ethiopia ah, kuwaasi oo sugaya amniga Ra’isul wasaaraha.

Ra’isul wasaaraha Ethiopia Abiy Axmed ayaa haatan kulamo kula leh madaxtooyada Somalia madaxda sare ee dalka.

Mas’uuliyiinta labada dhinac ayaa waxay kulankooda kaga hadlayaan arrimo ay kamid yihiin iskaashiga labada dowladooda,xoojinta xiriika ku dhisan iskaashiga labada dhinaca.

Waxaa kamid ah wafddiga Ra’isul wasaaraha Ethiopia Wasiirka arrimaha dibadda ee dalkaasi iyo xubno kale oo ka tirsan dowladda Ethiopia.

Si kastaba ha ahaatee, Ammaanka Xarunta Madaxtooyadda iyo Xayndaabkeeda ayaa si wayn loo adkeeyay, waxaana amniga iska kaashanaya ciidamada kala duwan ee dowladda.