Daawo: Senator Mareykan ah oo dalbaday in Mareykanka uu joojiyo lacagta uu siiyo DF

[Deeq A.]

Washington DC (Caasimada Online) – Guddoomiyaha Guddi-hoosaadka Federaalka ee La-socodka Heshiisyadda iyo Maaraynta Gurmadka ee dalka Mareykanka, Senator Rand Paul  ayaa ku baaqay in la joojiyo lacagta Mareykanka uu siiyo ciidamada Soomaaliya.

Senator Rand Paul, oo ka tirsan Xisbiga Jamhuuriga, lagana soo doorto Gobalka Kentucky ee dalka Maraykanka waxa uu sheegay inay jiraan caddaymo muujinaya in Ciiddankaas qaarkood qeyb ka ahaayeen Ururka Al-Qaacida, waa sida uu hadalka u dhigay.

“Waxaa jira in 920 carruur la askareeyey, laguna khasbo inay dagaalamaan, waxaana jira caddaymo muujinaya  inay qaar ka mid ah ciiddankaasi ka tirsan yihiin Al-Qaacida iyo kuwo aan waxba dhaamin burcadda taagan waddooyinka waa weyn” ayuu yiri Senator Rand Paul oo wareysi bixiyey Toddobaadkii la soo dhaafay.

Sidoo kale, Waxa uu ku nuuxnuuxsaday inaysan wax fiican ahayn in canshuurta dadka Maraykanka loo adeegsado lacagaha ciiddanka Somalia loogu iibiyo labiska iyo tan mushaar ahaan loo siiyo.

Senator Rand Paul, oo ka tirsan xisbiga Jamhuuriga, lagana soo doorto gobalka kentucky ee dalka maraykanka waxa uu tilmaamay in khasaaraha Maraykanka sannadkan gaari doono trillion dollars, wuxuuna is-weydiiyey halka ay lacagta ka imaanayso iyo xitaa waxa labiska iyo mushaarka looga dhigayey ciiddanka qaranka Somalia.

Halkan hoose ka daawo wareysiga