Ciidamo ka tirsan dowlada & Al-Shabaab oo caawa ku dagaalamay mid kamid ah Degmooyinka G/Banaadir

[Deeq A.]

Muqdisho (Caasimada Online)-Dagaal u dhexeeya ciidamada dowlada iyo maleeshiyada al-shabaab ayaa waxa uu caawa ka dhacay magaalada Muqdisho, ee caasimada Somalia.

Dagaalka oo muddo socday ayaa waxa uu ka dhacay Xaafada Suuqa Xoolaha ee degmada Hurwaa, kadib markii maleeshiyaad ka tirsan al-Shabaab ay weerar ku qaaden fariisin ay ciidamada ku lahaayen SOS iyo agagaarka Baar Jowhar.

Ciidamada Qaranka iyo Maleeshiyada weerarka kusoo qaaday ayaa isku adeegsaday hubka noocyada fudud, waxaana lasoo sheegayaa in halkaa uu ka dhashay khasaaro dhimasho iyo dhaawacba leh.

Inta la xaqiijiyay ilaa afar ruux oo labada dhinac ah ayuu weerarka kasoo gaaray khasaaro xili dadka shacabka ay ku jireen hooygooda.

Sidoo kale, ciidamada ayaa dagaalka hub uga reebtay maleeshiyaadka Al-Shabaab ee duulaanka kusoo qaaday, inakstoo aani cadeyn tirada hubka.

Dhinaca kale, dagaalkan ayaa kusoo beegmaaya xili dhawaan Xaafada Suuqa xoolaha ee degmada Heliwaa la geeyay ciidamo badan oo ka tirsan Xasilinta caasimada.

Caasimada Online

Xafiiska Muqdisho

Caasimada@live.com