Al-Shabaab oo laga khaarijiyay maleeshiyaadkii ugu badnaa abid kadib dagaal…

[Deeq A.]

Jowhar (Caasimada Online)-Taliyaha Guutada 52aad ee Ciidamada xooga dalka Soomaaliya ee Gobolka Hiiraan Jeneraal Maxamed Axmed ‘’Tareedisho’’, ayaa ka hadlay howlgal ay ciidamada Xoogga ka sameeyen Gobolka.

Tareedisho, ayaa sheegay inta uu socday howlgalka ay gacanta ku dhigeen maleeshiyada Al-Shabaab iyo Hubkooda.

Tareedisho, waxa uu sheegay in howlgalkii ka dhacay tuulooyin hoostaga degmada Moqakori lagu dilay dagaalyahano ka tirsan Al-Shabaab.

Tareedisho, waxa uu tilmaamay in dagaalkaasi uu ahaa mid gaadmo ah, isla markaana ay gacanta ku dhigeen Hubka ay wateen Shabaabka la dilay.

Sidoo kale, Taliye Tareedishe waxa uu qiray in howlgaladaasi ay ku dileen 80 kamid ah Al-Shabaab.

‘’Waxaanu ku dilnay dagaalka iyo howlgalada 80 Al-Shabaab ah, qaarkood waxaanu heynaa Hubkooda waxa ayna gali doonaan gacanta dowlada’’

Sidoo kale, Taliyaha Guutada 52aad ee Ciidamada xooga dalka Soomaaliya Tareedishe, ayaa dowlada Somalia ugu baaqay inay kordhiso dagaalka lagula jiro Al-Shabaab.

Dhinaca kale, maleeshiyaadka Al-Shabaab ayaa dhawaan weeraro kala duwan ka geystay deegaanada Gobolka Hiiraan kuwaa oo lagu daadiyay dhiig badan.

Caasimada Online

Xafiiska Jowhar

Caasimada@live.com