Iran oo ka hadashay cidda ay uga fasax qaadatay howl galkii ay ka fulisay Somalia

[Deeq A.]

Tehran(Caasimada Online) – Dowlada Iran ayaa mar kale ka hadashay howlgal ay ciidamadeeda gaarka ah ka sameeyen Somalia, kaa oo ay ku furteen kaluumeysato lagu haystay  meel ka mid aheyd Koonfurta Somalia.

Dowladu waxa ay mar kale sheegtay in howlgalkaasi uu ahaa mid qaatay asbuucyo, kadib markii ay ciidamada Khaaska ah ku jahwareeren goobta lagu hayay kaluumeysatada.

Iran waxa ay sheegtay inay ku guuldaraysatay in howlgalkaasi ay kala qeybqaadato dowlada Somali, balse ay fasax u heleen keliya inay furtaan kaluumeysatadooda.

Maxamed Alavi, oo ah Wasiirka Sirdoonka Iran oo arrintan mar kale wax laga weydiiyay ayaa ka sheekeyay qaabka lagu soo furtay Kaluumeysatadaasi oo u afduubnaa Burcad-baddeeda muddo 3 sanno ah.

Waxa uu qiray in Dowlada Somalia ay kala hadleen howlgalka isla markaana fasax loo siiyay inay furtaan kaluumeysatada.

‘’Duulanka sirdoonkeena waxa uu ahaa mid ay dhaqdhaqaaqiisa la soctay dowlada Somalia oo aan wada xiriirnay waana ku guuleysanay’’

Maxamed Alavi, waxa uu sheegay in howlgalkaasi ay ka qeybqaaten Khubaro ka tirsan Sirdoonka Iran kuwaa oo bixiyay dhammaan Jihooyinka duulaanka lagu soo furtay Kaluumeysatada.

Maxamed Alavi, oo u waramaayay Shabakadda Jamejamonline oo laga leeyahay Iran ayaa sheegay in hawlgalkaasi uu qaatay muddo dheer, isla markaana ay ciiddanka kacaanka Iiraan ee Qudus Force kaluumeysatada muddo ka baaraan degayeen Hawlgalkaasi oo ahaa mid aad u adag.

Sidoo kale, waxa uu tilmaamay in howlgalkaasi uu ahaa mid khatar badan galiyay amniga khubarada waday howlgalka, hase ahaatee uu howlgalka kusoo dhamaaday si nabad ah.

Dhinaca kale, waxa uu Wasiirku sheegay inay ka fiirsan doonaan kaluumeysato danbe oo kasoo jeeda Iran oo u socdaala xeebaha Somalia.

Caasimada Online

Xafiiska Muqdisho

Caasimada@live.com