Weerar culus oo mar kale lagu qaaday kolonyo gaadiid dagaal oo ay la socdeen Ciidamo Mareykan ah & Khasaaro ka dhashay

[Deeq A.]

Kismaayo (Caasimada Online)-Maleeshiyaad ka tirsan al-Shabaab ayaa weerar xoogan galabta ku qaaday ciidan isugu jira kuwa Jubbaland iyo Mareykan oo fariisin ku leh deegaankaasi.

Weerarka oo ahaa mid dhabagal ah ayaa waxa uu ciidamada ku qabsaday deegaanka Baar-sanguuni ee ku yaalla duleedka magaalada Kismaayo.

Ciidamada iyo maleeshiyaadka ayaa waxaa dhexmaray dagaal toosa waxaana lasoo sheegayaa inuu ka dhashay khasaaro dhimasho iyo dhawacba leh.

Dagaalka ayaa waxaa la xaqiijiyay in lagu dilay ilaa Shan askari oo ka tirsan ciidanka Jubbaland, halka uu dhaawac ka gaaray ilaa Seddex Askari oo kale.

Sidoo kale, laba gaari ayaa la sheegay in laga gubay Kolonyadii la socday ciidamada Mareykanka, kadib markii la qabadsiiyay dab.

Dhinaca kale, dagaalka ayaa kusoo beegmaaya iyadoo muddo laba maalin laga joogo weerar noocaasi ah lagu qaaday ciidamo ka tirsan Mareykanka oo kusii jeeday duleedka Kismaayo.

Caasimada Online

Xafiiska Kismaayo

Caasimada@live.com